Delles veces hai qu'echar la vista atrás y dase cuenta de tolo pasao pa entender por qué tas onde tas.
Hai recuerdos malos, buenos y otros que simplemente son etapes yá pasaes, pero too ello faite crecer, siguir p´alantre.
Non too ye color rosa pero tampoco too ye negro, hai que saber alcontrar un puntu mediu nes coses, porque aunque lo hayas pasao mal nun sabes lo que te deparará'l futuru, por eso siempre hai que pensar nes coses buenes que yá pasaron, anque, en ciertu mou, eso nos entristezca pol simple fechu de que yá pasaren.
Siempre hai que quedase colo positivo, porque vendrán males raches pero tamién bones, por eso nun hai que pensar en negativo, nunca sabes lo que te depararál futuru. Por exemplu, si te morrió dalgún familiar piensa en tolos buenos momentos que pasasti al so llau, pue que se t'enllenen los güeyos de llárimes pero pues tener la seguridá de que disfrutó los momentos nos que taba contigo.
A veces hai que echar la vista atrás y dase cuenta de tolo pasao pa entender por qué tas onde tas, porque tolos errores son los que te faen ser como yes, porque too, ya sea dalgo malo o bueno, te fai deprender y solo te queda llevantar la cabeza y seguir p'alantre porque al fin y al cabu vida solo ye una y yes tu quien dicide cómo enfocala y hacia onde dirixila.
martes, 17 de mayo de 2016
martes, 3 de mayo de 2016
Gijón del alma//Xixón del alma
Castellanu Asturianu
de mi tierra asturiana de mio tierra asturiana
donde las olas del mar onde les oles del mar
te despiertan de mañana te despierten de mañana
tiene magia y tiene encanto tien maxa y tien encantu
tiene embrujo y alegría tien embruxu y allegría
tiene marcha por el puerto tien marcha pol puertu
y por la calle Corrida. y pela cai Corrida
Es el Gijón que quiero Ye´l Xixón que quiero
y que tanto adoro y que tanto adoro
es el Gijón de ensueño ye´l Xixón d´ensueñu
es un tesoro ye un tesoru
lo llevaré muy dentro llevarélu mui dientro
de mis entrañas de les mios entrañes
no te olvidaré nunca nun te voi escaecer enxamás
nunca, nunca enxamás, enxamás
Gijón del alma. Xixón del alma.
Barrio de Cimadevilla Barriu de Cimavilla
lleno de grandes cantores enllenu de grandes cantores
la playa de San Lorenzo la playa de San Lorenzo
donde surgen los amores onde surden los amores
esa belleza del muro esa belleza del muru
con sus guapas chavalinas coles guapes chavalines
este Gijón es cachondo esti Xixón ye cachondu
y alternar las sidrerías. y alternar les sidreríes.
Es el Gijón que quiero Ye´l Xixón que quiero
y que tanto adoro y que tanto adoro
es el Gijón de ensueño ye´l Xixón d´ensueñu
es un tesoro ye un tesoru
lo llevaré muy dentro llevarélo mui dientro
de mis entrañas de les mios entrañes
no te olvidaré nunca nun te voi escaecer enxamás
nunca, nunca enxamás, enxamás
Gijón del alma. Xixón del alma.
El tren al infiernu
Güei tráigovos una lleenda de terror qu´a mi gustóme muncho:
Cuenta la lleenda que dos atracadores fueron cercaos pela policía y, na huída tuvieron qu'abandonar el so vehículu de fuga y metese nuna estación de metru. Na so desesperada carrera, entamó un tirotéu nos pasillos de la estación nel qu'un certeru disparu d´ún de los lladrones impactó directamente na frente d´ún de los policíes, matándolu al instante.
En mitá de la confusión, y mientres el restu d´axentes parapetábense tres d'unes columnes, la pareya de delincuentes consiguió xubise a un tren mientres escuchaben a la so espalda la detonación de más disparos de los policíes. Al pocu la máquina emprendió la marcha, escapando dentro d´ella los lladrones.
Yera de nueche y el vagón taba casi vacíu, solo había dos persones más nel tren qu'acababen d'abordar. Un mugrientu mendigu encapucháu que paecía inconsciente pela borrachera, anque nun soltaba una bolsa de papel cola que protexía una botella de llicor. Y un home con aspectu d´abogáu que, perfectamente traxeáu, dormía cola boca abierta y que seguramente se hubiese pasao d´estación facía yá abondu tiempu. Los atracadores, al comprobar que taben fuera de pelligru entamaron a reír la so suerte y a facer un plan de fuga.
-Probablemente na puerta de la próxima estación nos té esperando la mitá de la policía de la ciudá, asina que, namás baxar d´esti trastu, tenemos que metenos corriendo pal tunel. Dientro yá buscaremos cómo escondenos o escapar -dixo'l que paecía más intelixente de los dos, l'otru asintió mientres vixilaba´l restu de pasaxeros.
Acercábase la estación y, asustaos pola posibilidá de qu´un grupu d´axentes armaos-yos esperaren nel andén, agazapáronse debaxo de los asientos: d´esta forma los asientos-yos servíen de parapetu en casu d´entamar otra vez el tirotéu. Pero pa la so sorpresa, el tren non solo nun se detuvo na estación, si non qu´aumentó la velocidá.
-Tán tendiéndonos una trampa, seguro que quieren llevanos a un llugar que tengan controláu pa evitar que muerra dalguien más na estación. Seguro que dieron orde al maquinista pa que nun apare.
Asustaos, entamaron a caminar como llocos pol interior del tren mientres buscaben dalguna forma d´escapar, pero les puertes paecíen sellaes inclusu dispararon a la manilla que-yos permitía cambiar de vagón, pero nun lo consiguieron.
Una nueva estación pasó per delantre d´ellos, pero esta vez diéronse cuenta d´un detalle que l'anterior vez nun detectaron. La xente que taba nel andén esperando, nin se inmutaba, yera como si nun pudiesen ver la potente máquina que cruciaba a toa velocidá pela vía.
El tren aumentaba la velocidá con cada metru recorríu y paecía adentrase nes entrañes de la Tierra, pues cada vez podía percibise con más claridá la inclinación del vagón y el so vertixinosu descensu.
-¿¡Qué ta pasando equí!? Esto nun lo ta facienlo la policía -dixo´l más calláu.
De sópitu la lluz del tren entamó a parpadear y tres cada momentu d´oscuridá'l vagón paecía distorsionase y volvese cada vez más tétricu. Una especie de material viscosu parecíu a la sangre salía de les parés, los asientos qu'enantes se veíen nuevos envexecieron de golpe y mostrábense oxidaos y col plásticu derretíu. Yera como si fuesen espuestos a altes temperatures o dalguién los hubiese quemao con una llama.
Aterrorizaos e incapaces d´articular pallabra, vieron como una estación s´acercaba, pero esta vez nun atoparon un andén. Nel so llugar había una especie de cámara de tortura na que despelleyaben vivu a un desdicháu que gritaba de dolor mientres lloraba sangre. Les cámares sucedíense una por una y la velocidá del tren aminorare, como pa "deleitar" a los pasaxeros coles más crueles y brutales formes de torturar y causar dolor, que cada vez yeren más sádiques y salvaxes.
De sópitu detúvose'l tren y el mendigu, que hasta´l momentu paecía inconsciente a causa la borrachera, llevantóse. Los atracadores quedáron petrificaos al observar baxo la so capucha unos brillantes güeyos amarillos y un rostru roxu adornáu con una puntiaguda barba.
-Tu baxes equí, estafador -dixo mientres llevantaba con un brazu al home traxeáu y lu llanzaba fuera del vagón.
Inmediatamente, un par de sombres qu´apaecieron del suelu lu llevantaron y lu llevaron hasta un fosu enllenu de merucos. L'estafador entamó a gritar mientres los merucos-y atravesaben la piel y empezaron a devoralu per dientru.
-Estos gusanos van devorate en vida, como tu lo fixisti al robar como un parásitu'l trabayu y el dineru de los demás pa llevar una vida enllena de luxos -dixo´l falsu mendigu al que yá fácilmente se-y podía distinguir como un demoniu- Vosotros nun tendréis tanta suerte, vosotros vais muncho más abaxo.
Al día siguiente, les cróniques de tolos periódicos anunciaben la muerte d´un policía y dos atracadores que fueron abatíos a pocos metros del tren nel qu´intentaben escapar.
Cuenta la lleenda que dos atracadores fueron cercaos pela policía y, na huída tuvieron qu'abandonar el so vehículu de fuga y metese nuna estación de metru. Na so desesperada carrera, entamó un tirotéu nos pasillos de la estación nel qu'un certeru disparu d´ún de los lladrones impactó directamente na frente d´ún de los policíes, matándolu al instante.
En mitá de la confusión, y mientres el restu d´axentes parapetábense tres d'unes columnes, la pareya de delincuentes consiguió xubise a un tren mientres escuchaben a la so espalda la detonación de más disparos de los policíes. Al pocu la máquina emprendió la marcha, escapando dentro d´ella los lladrones.
Yera de nueche y el vagón taba casi vacíu, solo había dos persones más nel tren qu'acababen d'abordar. Un mugrientu mendigu encapucháu que paecía inconsciente pela borrachera, anque nun soltaba una bolsa de papel cola que protexía una botella de llicor. Y un home con aspectu d´abogáu que, perfectamente traxeáu, dormía cola boca abierta y que seguramente se hubiese pasao d´estación facía yá abondu tiempu. Los atracadores, al comprobar que taben fuera de pelligru entamaron a reír la so suerte y a facer un plan de fuga.
-Probablemente na puerta de la próxima estación nos té esperando la mitá de la policía de la ciudá, asina que, namás baxar d´esti trastu, tenemos que metenos corriendo pal tunel. Dientro yá buscaremos cómo escondenos o escapar -dixo'l que paecía más intelixente de los dos, l'otru asintió mientres vixilaba´l restu de pasaxeros.
Acercábase la estación y, asustaos pola posibilidá de qu´un grupu d´axentes armaos-yos esperaren nel andén, agazapáronse debaxo de los asientos: d´esta forma los asientos-yos servíen de parapetu en casu d´entamar otra vez el tirotéu. Pero pa la so sorpresa, el tren non solo nun se detuvo na estación, si non qu´aumentó la velocidá.
-Tán tendiéndonos una trampa, seguro que quieren llevanos a un llugar que tengan controláu pa evitar que muerra dalguien más na estación. Seguro que dieron orde al maquinista pa que nun apare.
Asustaos, entamaron a caminar como llocos pol interior del tren mientres buscaben dalguna forma d´escapar, pero les puertes paecíen sellaes inclusu dispararon a la manilla que-yos permitía cambiar de vagón, pero nun lo consiguieron.
Una nueva estación pasó per delantre d´ellos, pero esta vez diéronse cuenta d´un detalle que l'anterior vez nun detectaron. La xente que taba nel andén esperando, nin se inmutaba, yera como si nun pudiesen ver la potente máquina que cruciaba a toa velocidá pela vía.
El tren aumentaba la velocidá con cada metru recorríu y paecía adentrase nes entrañes de la Tierra, pues cada vez podía percibise con más claridá la inclinación del vagón y el so vertixinosu descensu.
-¿¡Qué ta pasando equí!? Esto nun lo ta facienlo la policía -dixo´l más calláu.
De sópitu la lluz del tren entamó a parpadear y tres cada momentu d´oscuridá'l vagón paecía distorsionase y volvese cada vez más tétricu. Una especie de material viscosu parecíu a la sangre salía de les parés, los asientos qu'enantes se veíen nuevos envexecieron de golpe y mostrábense oxidaos y col plásticu derretíu. Yera como si fuesen espuestos a altes temperatures o dalguién los hubiese quemao con una llama.
Aterrorizaos e incapaces d´articular pallabra, vieron como una estación s´acercaba, pero esta vez nun atoparon un andén. Nel so llugar había una especie de cámara de tortura na que despelleyaben vivu a un desdicháu que gritaba de dolor mientres lloraba sangre. Les cámares sucedíense una por una y la velocidá del tren aminorare, como pa "deleitar" a los pasaxeros coles más crueles y brutales formes de torturar y causar dolor, que cada vez yeren más sádiques y salvaxes.
De sópitu detúvose'l tren y el mendigu, que hasta´l momentu paecía inconsciente a causa la borrachera, llevantóse. Los atracadores quedáron petrificaos al observar baxo la so capucha unos brillantes güeyos amarillos y un rostru roxu adornáu con una puntiaguda barba.
-Tu baxes equí, estafador -dixo mientres llevantaba con un brazu al home traxeáu y lu llanzaba fuera del vagón.
Inmediatamente, un par de sombres qu´apaecieron del suelu lu llevantaron y lu llevaron hasta un fosu enllenu de merucos. L'estafador entamó a gritar mientres los merucos-y atravesaben la piel y empezaron a devoralu per dientru.
-Estos gusanos van devorate en vida, como tu lo fixisti al robar como un parásitu'l trabayu y el dineru de los demás pa llevar una vida enllena de luxos -dixo´l falsu mendigu al que yá fácilmente se-y podía distinguir como un demoniu- Vosotros nun tendréis tanta suerte, vosotros vais muncho más abaxo.
Al día siguiente, les cróniques de tolos periódicos anunciaben la muerte d´un policía y dos atracadores que fueron abatíos a pocos metros del tren nel qu´intentaben escapar.
lunes, 18 de enero de 2016
Mitoloxía
María Cuchielles
María yera una xoven de clas humilde que vivía n´Uviéu nel sieglu XVIII o XIX y que taba namorada d'un home ricu, lo que torgaba qu'él se fixase nella. P'ayudala, el diañu apaecióse-y y díxo-y que si quería conquistalu, que llevase al so hermanu recién nacíu a una cueva y lu matase a cuchillaes hasta desangralu y cola so sangre facer una pócima o un conxuru pa namorar al so amáu. María obedeció pero l´home fue avisáu de lo que diba asoceder y atopó a María tres cometer el crimen, maldiciéndola y condenándola a llimpiar la sangre de la cueva hasta que les sos llárimes s'amestasen nel agua de llavar, indicando esto'l so arrepentimientu.
P'acabar, un personaxe que toos conocemos, el trasgu:
El Trasgu
El trasgu ye ún de los personaxes más conocíos na mitoloxía asturiana. Ye un duende que vive nes cases y que ye mui traviesu, llegando a facer abondoss estrozos n´ocasiones. Causa graves trastornos na vida familiar naquelles cases qu´habita, molestando al ganao, tirando coses pel suelu, impidiendo que les persones duerman peles nueches, etc. Ensin embargu, si se trata bien y cuando ta de bon humor, el trasgu pue recoyer y llimpiar les cases, anque suel ser más dañinu que benefactor. Ye tal la molestia que causa que n'ocasiones les families tienen que mudase. Non obstante, ye mui difícil desfacese d´él, suel acompañar normalmente a la familia na mudanza, anunciándose diciendo “yo tamién ando de casa mudada”.
Hai varies maneres según el mitu de desfacese d'él: una ye encarga-y que traiga agua nuna cesta, o que convierta un pelleyu de carneru negru en blancu. Al nun poder facelo marcha vergoñosu. Otra manera de desfacese del trasgu ye dexa-y un puñáu de granu en suelu, como nun los pue garrar porque se-y escapa pol furacua de la mano enfádase y cola. El mitu del trasgu ta emparentáu con otros mitos de duendes comunes d'Europa y el restu del mundu.
lunes, 11 de enero de 2016
El soñador
Güei gustaríame recomendavos un llibru que me gustó muncho cuando lu lleí.
El llibru llámase El Soñador y ye d´una escritora llamada Pam Muñoz Ryan; nesti rellatu va cuntándose la historia de la vida de Neftalí Reyes, un xoven al que-y apasiona tolo que-y arrodia, pa él too ye guapo y escríbilo nun papel en forma de poema, cosa que al so pá nun-y gusta muncho asina qu'aprovecha cuando Neftalí nun ta na casa pa quemá-y toles fueyes colos poemes. Como'l so pá nun acepta los sos gustos, Neftalí dexa la casa na que tan viviendo xuntos y pasa a ser conocíu, por decisión propia, como Pablo Neruda.
Esti llibru a mi prestóme muncho porque ye una historia perguapa, paez que tien maxa y ta rellatada d´una forma mui amena y entretenía, de tal forma que va enganchándote dende la primera pallabra a la última.
Esta ye la portada del llibru y equí vos dexo un enllace si queréis lleélu:
Reflexón
Vivimos nuna sociedá demasiao hipócrita... dicimos coses como "la verdadera belleza ta nel interior" o "lo importante nun ye´l físicu" pero tu yes la primer persona que diz "nun quiero tar con él porque ye feu" o "nun quiero tar con ella porque ye fea". Sinceramente, ¿tan importante ye´l físicu? Tan importante seguro que nun ye si col pasu del tiempu va deteriorándose; naide toma´l tiempu necesariu pa conocer a dalguién de verdá y xulgalu dempués, agora cuenten más les partes del to cuerpu que la to personalidá o los tos sentimientos. La xente diz "quiérote" igual que´l que diz "voi mercar pan", ye por dicir. ¿Ónde quedó aquello d´alcontrar al amor de la to vida? Pero non esi falsu amor de güei en día qu´alcuentres cada nueche nuna cama distinta, si non esi amor puru que va evolucionando lentamente, nel que te vas conociendo y eso fai que t'enamores puquitín a puquitín, col pasu´l tiempu... Por eso digo que nun debería importar el físicu, ye dalgo que se marchita, igual qu´una rosa, pero la so esencia sigui tando nel interior, a pesar del tiempu...
¿Por qué nun vamos deprendiendo dalgunes coses d´una vez? Por exemplu:
Pa elles: faite valer polo que yes y nun dexes que te traten como un oxetu, pero nun te pases faciéndo-yos de menos.
Pa ellos: namora con pallabres guapes, pero nun ye guapo dicir "qué buena tas" Nun somos cavernícolas, yá evolucionamos.
Pero bono, ye más fácil dexase llevar pola emoción del momentu y ensin pensalo que parase cinco minutinos de nada pa pensar nes consecuencies de los nuestros actos.
¿Qué piensa muncha xente cuando-yos fales n´asturianu?
¿Qué piensa muncha xente cuando-yos fales n´asturianu?
Bono, la xente más "castellana" suel ver l´asturianu d´una forma mui peculiar, venlo como si fuese una fala de paletos, pueblerinos e inclusu un tanto barriobaxera, pero quien más piensa esto son los propios asturianos, hai xente que reniega de la so tierra y de la so fala, vivimos nun mundu nel qu'esiste la llibertá d´espresión y caún ye llibre de pensar lo que quiera, pero yá lo diz el dichu "nun yes d'onde naces, yes d´onde paces" y ye verdá, si Asturies ye la que te vio crecer ¿por qué reniegues d´ella? pero hai coses que la xente nun se da cuenta. Tengo familia valenciana, madrileña, etc. Y nun ye qu'ellos se criasen equí pero, ensin dase cuenta, usen l´amestáu, mezclen castellanu y asturianu.
Ye irónico que siendo asturianos nos dé apuru falar n'asturianu y que xente de fuera lo falen ensin dase cuenta y nun-yos importe. Tamos perdiéndolo equí n´Asturies y si nosotros nun cuidamos lo que tenemos los demás tampoco van facelo por nosotros...
[A partir del minutu 04:20]
martes, 1 de diciembre de 2015
Presentación
Buenes, nesta primer entrada del blog voi presentame y falar un poquiñín de tolo que tengo pensao dir subiéndovos.
Lo primero de too ye dicir qu'esti blog va tar n'asturianu (anque eso ya lo tais viendo agora) y va dedicase a falar de toles coses que considere que puedo comentar, intentaré escribir dalgo de mitoloxía, lleendes, poemes, histories que formen parte de la lliteratura asturiana, pero tamién puedo subir histories que nun ten ubicaes n´Asturies, a lo meyor pongo dalguna canción asturiana o canciones dedicaes a Asturies y dalguna cosina más que se me pueda ocurrir.
Agora, depués de comentavos de lo que voi escribir voi falavos un poco de mi.
Llámome Miriam, anque préstame más que me llamen Miri, tengo 15 años, toi estudiando cuarto de la ESO en Noreña, gústame muncho tolo rellacionao col terror y lo paranormal, tengo una forma de ver les coses diferente a la de la mayoría de les persones, nunca faigo les coses por contentar a naide, soi siempre yo mesma, gústenme muncho los animales, de tolos tipos, y toi dafechu a la escontra de la xente que diz que nun tolera'l maltratu y dempués failo anque seya inconscientemente.
Suscribirse a:
Entradas (Atom)